今日日职湘南比马主场斗磐田山叶，可以话海军斗水兵格局，除咗湘南主场4连败颓爆，磐田作客更未尝胜利滋味，双方今场都冇必胜把握，睇往绩7倍「1:1」开出机会唔细。(开赛时间：周六晚6:00)

　　湘南比马主场演出麻麻，仅得2胜3和5负成绩，虽然输畀三箭、水手呢啲劲旅冇嘢好讲，不过4连败都係铁一般嘅事实。按照近期颓势，湘南今场恶斗磐田难言稳胜，不过话晒係护级主要对手，相信赢唔到都唔会输，捧湘南今季主场和波必开嘅「1:1」最啱数。

　　另边厢嘅磐田山叶，金园英学、山田大记等主将今季发挥唔错，后防更有驹野友一与伊野波雅彦两名国脚镇守，可惜班波始终打唔起，联赛作客仲惨情到5和5负未赢过，但佢哋5场和波除咗1次「2:2」，其馀全部开晒「1:1」，往绩同湘南咁夹，唔係唔撑呀?