英超、西甲齐齐开锣，但讲亲切感始终英超佔优，所以今次「半场主客和」都拣场英超(六)24 诺域治主场对爱华顿做推介。虽然诺域治今季重新打造锋线，但好难立刻见效;爱华顿人脚较佳，但新帅马天尼斯啱啱上任难免踢得保守，2.02倍「半场和」可捧。(now623台周六晚10:00直播)

　　诺域治今季放走主力射手格兰荷特，分别买入些路迪射手加利贺柏同士砵亭前锋云禾夫斯云高。前者喺热身赛受伤唔踢得，后者未必咁快适应到英超嘅硬朗球风。不过新兵守将加里度、马田奥臣已有英超比赛经验，有望改善防守漏洞，而且主帅晓顿作风稳阵，上季主场出击好少喺半场落后，今仗肯定继续防守为上。

　　「拖肥糖」今季由新帅马天尼斯执教，可能大家以为呢位前韦根领队锺意斗攻，但翻查韦根上季联赛11次作客开「半场和」，可见呢位主帅唔係盲目进攻。加上联赛首战作客出击，自己仲未熟悉旗下球员，踢得保守唔出奇。