皇马「大」破贝迪斯

　　西甲冠军热门皇家马德里今晚喺主场招呼贝迪斯，入球大细中位数即使开到3.5球，都係照捧1.7倍入球大着数!皇马天王C朗成名后跟过唔少顶级教头，但最就得佢似乎係新帅安察洛堤，为咗报答肥安嘅恩情，睇怕C朗会喺开咧战踩油「大」开杀戒!(now632台周一凌晨3:00直播)

　　皇马王牌热身赛着火

　　皇马今季主要放走射手希古恩，买番马拉加中场艾斯高、圣保罗中场卡斯米路、皇家苏斯达中场伊拿拉文迪同利华古逊右闸丹尼尔卡华积，但讲到进攻重心，肯定依然係C朗，佢喺热身赛上阵441分钟，攻入6球再加2次助攻，平均55分钟就有入波或者助攻，当中仲有唔少入球係世界波，进攻效率非常得人惊。

　　上季C朗喺莫连奴执教下，上阵55场劲入55球，今季皇马改由作风较为保守嘅安察洛堤领军，C朗入球数字係咪会下跌呢?未必喎，因为习惯同世界顶级球星合作嘅肥安，为人相当识做，佢曾经话，唔会限制C朗嘅活动范围，佢锺意点都得，凼到C朗咁话：「安察洛堤係好教练，依家我哋所有人都训练得好开心，冇错，係好开心。」

　　贝迪斯交手旺开大

　　除此之外，肥安曾经公开话皇马根本唔需要买加里夫巴利，摆明係为咗安抚地位受挑战嘅C朗，依家皇马更衣室内乱平息，係时候踢番场好波向高层同球迷交代。睇番对家，贝迪斯冇咩钱使，今季最贵收购只係价值280万欧元嘅基达菲中场沙维托利斯，但佢哋近5次对皇马有4场总入球数字开4+，期间得1场冇波入，帮到手开大㗎!

　　皇马上季西甲主场士哥王

　　皇马上季西甲主场入波最多，19场入67球。

　　皇马近6季西甲主场首战有5胜1和。

　　皇马7场热身赛6次半场领先、1次落后。

　　贝迪斯近4次作客皇马全败，共失15球。

　　C朗抢缰博半场大

　　皇马对贝迪斯让2/2.5，即係淨胜3球先有钱收，盘口都几辣，如果怕皇马开唔到上盘，入球大细中位数开到3.5球，入球大又唔算好稳阵，咁不妨考虑玩1.72倍半场入球大，因为C朗喺热身赛已经上晒力，连带皇马都好易入局，连续3场完半场前攻入2球，中到嘅话，下半场印印脚睇C朗表现够晒过瘾!