今日西甲「压轴战」，有场唔错嘅戏码上演，由西维尔主场迎击马德里体育会。两军今夏都有主力锋将离队，但暂时以「张峰」所见，对佢哋嘅入球能力似乎影响不大，今晚双方碰头，好可能会合演「入球骚」，撑1.65倍入球大!(now632台周一清晨5:00直播)

　　西维尔今夏先后卖走前锋尼格度，以及「右路发难」捷西斯拿华斯两大主力，好多人都以为佢哋会「雄风不再」，不过睇番西维尔季前热身赛同欧霸盃外围赛嘅演出，其实担心似乎有少少多馀喇!

　　事关西维尔季前热身赛赢多过输，喺欧霸盃外围赛两回合仲狂数FK马拿道斯9:1，之后再喺奥脱福搞寸埋里奥费迪南个纪念赛Party，作客照样以3:1砌低「红魔鬼」，足证班波状态唔错，起码冇话走咗两大天王之后唔识入波先!

　　马体会韦拿「恶过老虎」

　　同西维尔一样，对家马体会亦将「入球泉源」法卡奥卖咗畀法甲豪门摩纳哥，之后即刻做嘢，斟掂巴塞嘅西班牙国脚前锋韦拿，论级数，二大杀手唔争得几远，论经验，韦拿仲「恶过老虎」添!事实上，韦拿係「张峰」十分欣赏嘅射手之一，只係佢近季喺巴塞活喺美斯阴影下，搞到信心同产量大减，今次转投马体会重新出发，肯定会场场搏命争取入球证明自己。只要韦拿有料嚟，场波开大只係时间问题啫。