这个礼拜日本最大单嘅转会新闻，唔使讲就係森本贵幸(图)回归加盟日乙千叶市原，多咗件「和製朗拿度」係咪代表千叶今日作客松本山雅W硬呢?Sorry，似乎入球细稳阵过客胜嘞。(开赛时间：周日下午5:00)

　　外流意大利同中东前后7年，森本贵幸呢个前日本国脚嘅级数，一定够踢日职有馀，但係佢点解要自贬身价，走去加盟日乙嘅千叶呢?理由好简单，森本希望返日本「骚哥利」，博畀沙哲朗尼睇中，出年有得去世盃决赛周，所以佢拣咗踢正选机会比较大嘅日乙落脚，家阵排第3位、努力冲击日职嘅千叶，无疑係个唔错嘅选择。

　　近3次斗松本全开细

　　正路嚟讲，以森本嘅级数对千叶帮助好大，但係佢呢两年坐多过踢，状态唔喺颠峰，而且本应拍住佢嘅爱华顿甘比斯又要停赛，少咗呢件千叶头号射手掩护，森本一定成为松本嘅重点照顾对象，冇咁容易为所欲为。何况松本件中场喜山康平，就係森本早年响东京绿茵青年军时代嘅双箭头拍档，路数畀老友摸熟晒，未必恶得出样。

　　睇埋往绩，松本近年3斗千叶只得1胜2负，唯一赢嗰场就係主场出师，证明呢隻门口狗响自己地头有啲料到。更重要係双方过去3战都全部开细，1.65倍入球细点睇都保险过2.05倍客W。