捧祖云达斯入波先

　　意超盃今晚喺罗马奥林匹高球场开战，由去季意甲冠军祖云达斯火併意盃盟主拉素。「斑马兵团」上季係「最先入球王」，今个夏天签埋泰维斯之后火力进一步「升呢」，第一队入球一于捧1.62倍嘅祖云达斯。(开赛时间：周一凌晨3:00)

　　高路斯对祖记死火

　　衞冕意超盃嘅祖云达斯，原定前日喺罗马市郊嘅保希斯安拿球场闭门操练，不过教练干地就对草地质素同周边配套劲唔满意，劳师动众转场去到柏保路卡禾利体育中心练波，鬼咁认真备战，真係抵佢老人家捞得咁掂!祖云达斯今季扫入泰维斯同洛兰迪两件生力军，但干地就认为洛兰迪仲未夹熟班队友，所以今场波会以「野兽」伙拍胡仙历挂帅，胡仙历为咗保住正选席位，今仗仲唔搏老命争「士哥」咩?

　　睇番数据，「斑马兵团」上季联赛总共有31次先开纪录，要知道拉素今时今日仲要靠35岁嘅高路斯开饭，「K神」历来代表不来梅、拜仁同拉素总共7次正选上阵斗祖云达斯都冇波入，第一队入球冇理由唔捧「斑马兵团」啫!