撑当弗绿茵赢3:2

　　相比起英超、西甲啱啱开咧，球队表现难以捉摸，日本联赛打到如火如荼，走势相对有「绩」可寻。日乙冈山绿雉主场斗东京绿茵，两队近期状态此起彼落，冇话边队高啲，但过往例牌打餐死唔识和波，决定冷敲绿茵28倍「3:2」波胆。 (开赛时间：周日晚6:00)

　　绿雉近5场赢得1次

　　绿雉最近5场1胜1和3负成绩麻麻，其中作客反胜山形山神係威係势，点知转头无以为继，录得主场2连败。绿雉过往5次主场迎战绿茵，从来唔同对手讲「和」，全部分出胜负。综合往绩与近况，相信冈山绿雉今场落败机会颇高，再者佢哋今季主场3次输波有2次输「2:3」，值得再追。

　　另边厢近况弗爆嘅绿茵，近5场联赛除咗战和榜首飞脚，其馀4场赢晒，总计13个入球更分别由10名球员取得，得分点多成咁，试问冈山后防点顶﹖但最重要係赢波嗰4场之中，2场作客都成功开出「3:2」，今场随时食住个势再度冧庄。