法甲新富豪球会摩纳哥今季开咧战作客小胜波尔多2粒，认真巴闭。唔知係咪人红招人妒，近日法甲球圈就以税务优势为理由，想话逼佢哋搬返去法国国境，甚至出售法卡奥等球星。球会已经话明唔会理其他人针对，专心踢好波，受咁嘅刺激今晚主场对蒙彼利埃，肯定会打争气波，一于捧2.2倍「让主」啦!(开赛时间：周日晚8:00)

　　拥税务优势惹法甲球会妒忌

　　地处法国南部嘅独立小国摩纳哥，一向都被称为税务天堂，唔少顶级运动员都搬嚟呢度住，贪税率低吖嘛!对于摩纳哥今季买入多名顶级巨星，法国球圈有人相当不满，话佢哋相较其他法甲球会，因为税务优势容易买入更多好球员，係唔公平做法。随后仲即刻有报道话摩纳哥出年暑假要卖走法卡奥整番好条数，不过球会已经即时否认。

　　力奇对于球会争拗议题兴趣唔大，但相信摩纳哥畀人屈完呢铺，今晚斗志肯定会格外提升。虽则话摩纳哥今仗会有中场摩天奴续抖，今仗又话因为上季踢法乙有球迷闹事，被罚闭门作赛一场，但拥有星级阵容嘅佢哋，实力始终高蒙彼利埃成截，后者首仗凭地利踢和巴黎圣日耳门，今晚睇怕冇咁好彩。