喺葡萄牙超级盃旗开得胜嘅波图，今晚联赛第一击就会作客出战塞图巴尔。塞图巴尔实力有限，近年主场对住波图又毫无还击能力，雷法尔对佢哋今场连可以输少啲嘅信心几乎係零，1.56倍「让球客胜」要捧。

　　塞图巴尔失波多过降班队

　　波图上场喺葡萄牙超级盃对住甘马雷斯，新加盟前锋历卡喺比赛早段就用入球证明自己有力打正选，主力射手积臣马天尼斯唔想衰畀新人睇所以都整番粒。依家呢对组合充满良性竞争，配合中场路尔斯干沙利斯、迪科亚等人穿针引线，呢两位前锋今仗唔愁冇「餐士」大斗射术。

　　塞图巴尔上季联赛只係仅仅护级成功，但睇番佢哋联赛失球数字比降班嘅摩里伦斯仲要多，就知呢班波防线有几差。而且佢哋上季首席神射手美安斯已经离队他投，家阵可以话係攻不锐守不稳。翻查纪录，波图连续6次作客都赢晒，仲要每次都赢至少2球，相信塞图巴尔今次都好难打破呢个惯例。