今晚上演英超首周压轴大战，由大事增兵嘅曼城主场迎战纽卡素!「蓝月亮」上季被曼联喺积分榜抛离兼喺欧联分组赛包艇，季前佢哋痛定思痛，换帅兼重用西班牙兵，务求以全新嘅「狂牛曼城」恶战英超群雄，今晚第1击，又点可以失威?「喜鹊」上季虽然几乎降班，但都唔识死懒得买人，点同曼城抗衡吖，撑1.7倍「让主」啦!(now620及621台、广东体育周二凌晨3:00直播)

　　当人人都趁夏天转会窗增兵嘅时候，英超偏偏有几间老牌球会「坐定粒六」，除咗不断「差啲签到」嘅阿仙奴，纽卡素亦係「孤寒」嘅表表者!佢哋唯一嘅「收购」，就係买断上季由昆士柏流浪借用嘅雷米，可惜呢位射手今晚有伤唔出得，即係话纽记嘅兵力同上季争啲降班嗰阵完全冇分别，小妹真係唔信领队柏杜可以扭转乾坤喇!

　　纽卡素冇增兵友赛和格流

　　远嘅唔讲，淨係睇纽卡素季前热身赛嘅表现，都已经叫捧场客反晒胃啦!佢哋衰到连踢紧苏甲嘅格流都係仅和1:1、斗葡超嘅费利拿同里奥艾维又赢唔到，就知班人有几咁「烂」，实力几咁有限啦!

　　对家曼城今夏继续大手「买星」，当中更以西班牙国脚为主，重点收购西维尔孖宝捷西斯拿华斯同尼格度，配合原有嘅查维加西亚同大衞施华，成队正选有4件「斗牛国脚」，大家同声同气夹惯夹熟，默契够晒保证啦!

　　除咗新兵，旧有嘅球员喺热身赛亦有好表现，上季出场时间少但都荣膺球队首席射手嘅迪斯高，咁多场波加埋入咗4球;耶耶托尼都Keep得住上季咁弗，咪忘记占士米拿、拿斯尼同新援费兰甸奴等攻击手都可以落场改变战局，曼城要喺开咧战炒「喜鹊」攞头威，「Easy Job」啦!

　　信往绩揸住入球大玩过关

　　纽卡素近年对曼城一直都冇运行，今晚再畀人炒嘅机会极高，不过值得留意嘅係「喜鹊」条防线虽然渣到晕，近5次对曼城至少淨输2粒，但佢哋近5次作客「蓝月亮」有4仗取得入球，两军今晚好可能又合演「大」骚，1.5倍入球大做过关胆就最啱喇!

　　蓝月亮对赛例大胜

　　两军近13次对赛，曼城全部不败，近7战全胜，近5战至少以2球之差赢波。

　　曼城近6次对纽卡素有5次开入球大。

　　纽卡素上季英超失球数字第4高，场均失1.79球。