新兵质素佔优

　　艾美利亚同维拉利尔上季齐齐抢得升班资格，估唔到重返西甲后首场联赛即刻碰头。维拉利尔今夏喺前中后三线都有买人提升实力，相反艾美利亚新兵欠缺质素，即使主场出战都冇咩能力让波，受让嘅1.52倍「让球客胜」咪嫌热。(开赛时间︰周二凌晨4:00)

　　艾美利亚借苏素帮唔到手

　　艾美利亚实力一般，物色新兵都係以低联赛组别球员为主，名气最大嘅只係利物浦借将苏素。如果佢有力改变战局，罗渣士留佢打后备都唔会外借佢啦，雷法尔就唔信呢位西班牙小将一返祖国踢波就晓飞喇。以艾美利亚嘅人脚嚟讲，真係冇强攻本钱。

　　相反，「黄色潜艇」升班后分别买入前锋杜斯山度士、中场汤马士宾拿同中坚包列斯达，前两人西甲比赛经验够，应该好快可以融入球队，而且中坚梅沙基奥今仗复出坐镇后防，亦可进一步减少防线漏洞。何况佢哋近3场热身赛不败，当中又试过砌低费伦天拿，证明球员状态渐入佳境，以佢哋近4次联赛同艾美利亚交手未输过嘅往绩，今仗坐底执番1分。