里昂今晚会喺欧联外围赛附加赛首回合，主场迎战皇家苏斯达，虽然两军喺所属联赛都唔算超级豪门，但都同样拥有高效率嘅士哥好手，绝对有力夹手夹脚做番场入球骚娱乐球迷，必捧2.15倍入球大!

　　(有线64及203周三凌晨2:45直播)

　　皇苏士哥拿开咧响头炮

　　喺芸芸财政紧绌嘅西甲球会中，皇家苏斯达唔使变卖主力「填数」之馀，仲可以由费伦天拿以超值价260万欧元买入新前锋施费洛域，实在「叻猪」!皇苏喺西甲开咧战，正係由施费洛域同埋上季踢到着晒火嘅卡路士韦拿齐齐入波打开胜利之门，今场仲好可能有上仗做后备留力嘅基沙文复任正选，入球能力毋庸置疑。

　　里昂作为法甲老牌球队，论星味虽然唔及同联赛嘅巴黎圣日耳门及摩纳哥，但火力仍然劲有睇头，踢咗两场法甲已经炮製咗7个入球，其中拿卡锡迪两战入3粒，哥古夫亦连续两场有进帐，加上有主场之利，当然要开火好好「招呼」访客皇苏啦!