射手誓做「列基林拔第二」

　　英冠今晚上演独脚戏，韦根喺主场对唐卡士打，有机会开热W翻身。虽然韦根最近连输两场兼冇波入，不过新领队奥云高尼都冇灰心，仲鼓励射手格兰贺特继续骚哥利，争取入选英格兰国家队，佢老哥都话准备好喺英冠发威，1.4倍主W要捧!

　　(开赛时间：周三凌晨2:45)

　　韦根开咧战作客淨数班士利4蛋，点知喺社区盾以0:2不敌曼联后，日前返到联赛又以0:1惨负般尼茅夫，而且有上届足总盃捧盃英雄卡林麦马拿文领红牌，今场要停赛。不过咁，韦根领队奥云高尼强调，今季组军情况令佢好满意，有信心领军升班杀番上英超喎。

　　唐卡士打新帅冇料

　　奥云高尼眼见修咸顿射手列基林拔为英格兰国家队上阵大获好评，鼓励由诺域治加盟嘅格兰贺特，畀心机入波等国家队徵召。事实上，格兰贺特自己讲过，愿意由英超降格踢英冠，就係因为觉得诺域治踢法太保守唔啱佢，返到主场肯定搏命入波。

　　对家唐卡士打由新帅迪高夫领军，佢哋首战以1:3不敌黑池后，出战联赛盃同联赛先后打沉罗奇代尔同布力般反弹，好似好掂咁。但问题係，迪高夫上任前连奥咸都带唔掂，英甲冠军唐卡士打搵佢接手，真係祸福难料，撑唔过!