广州恆大(足智彩译FC广州)今晚将会喺亚冠盃8强首回合主场迎战卡塔尔劲旅历基韦亚，喺上届赛事8强止步嘅广州声言「从哪里跌倒就从哪里爬起」，小妹深信以呢支超级豪门嘅实力同斗心，绝对可以喺主场先拔头筹，痛击伤兵满营嘅历基韦亚，一于直取1.73倍「让主」啦!(now671台、中央5台及广东体育周三晚8:00直播)

　　射手艾杰臣着晒火

　　论实力，现今嘅FC广州比上季喺亚冠盃8强出局时可以话更强，虽然走咗个巴里奥斯，但係今季初来投嘅前维多利亚射手艾杰臣更加「好使」，佢喺20轮中超赛事已经丧入20球，难怪畀对手历基韦亚嘅教练格列特大讚係最强球员啦!至于另一主力前锋孔卡亦都连续4场有进帐，而且穆里奇目前仍以8球领先亚冠神射手榜，FC广州靠住呢条锋线，要喺依然保持全季不败嘅主场炒起历基韦亚唔係难事。

　　历基韦亚主帅格列特一早讲明目标只係守和，不过佢哋喺赛前传出坏消息，正选右闸穆沙因伤唔会披甲，令防线大打折扣，踢开左边嘅广州射手穆里奇自然有机可乘啦!况且翼锋迪亚受伤后暂未全面复操，未必踢得，客军今铺对住广州睇怕要吞蛋收场喇。