喺英超开咧战大败嘅史云斯今晚再度主场出击，喺欧霸盃附加赛首回合迎战罗马尼亚球队比杜路尔，「天鹅」目前正急需一场胜仗重振士气，肯定全力搏杀，但近8战不败嘅客军亦非善类，两军有望合演入球骚，一于捧1.72倍入球大。(开赛时间：周五凌晨2:05)

　　罗马尼亚劲旅8战不败

　　史云斯喺上周末英超首战，居然喺一贯水准稳定嘅主场遭红魔大炒，连队长艾殊利威廉斯都承认士气受挫!不过好似前锋米捷话斋，家阵係时候集中精神踢欧霸盃，小妹都相信佢哋可以及时收拾心情应战，毕竟比杜路尔阵中冇尹佩斯呢类「屈机」球员，凭史云斯嘅韦菲特邦尼、舒维尔呢啲攻击手，要恢复季前赛5场劲数21球嘅强势，入番对手几粒照计冇问题。

　　不过比杜路尔亦绝对唔係咩鱼腩部队，佢哋近8战无论喺联赛定欧霸盃都未输过，当中更只得1场冇波入，射手哥罗沙夫踢咗4场已经贡献5个入球，佢拍档咸沙尤尼斯亦有2球进帐，就算输波都有力入番史云斯1、2粒，齐齐搞个入球大骚o架!