德甲开咧两星期，上季冠、亚军拜仁同多蒙特已经弹咗上前两席，当中拜仁虽然两连胜，但仍然畀人批评踢唔出上季嘅霸气，之不过，小弟觉得哥迪奥拿六月底先接手，依家能够Keep住开W，已经好难得，舒韦恩史迪加等主将都话已经开始熟习新阵，依家嘅拜仁，就好似支等紧起飞嘅火箭咁，今晚面对表现低迷嘅纽伦堡，係时候赢镬劲嘅振一振士气喇，「-2」照捧1.69倍「让球主胜」啦!

　　(有线61、64、201及203、中央5台周六晚9:30直播)

　　纽伦堡3战失5粒

　　拜仁上星期小胜法兰克福一球，即刻畀球迷闹爆，都几阴功。小弟觉得Fans们真係要畀多少少耐性，等班球员有充足时间去Run熟「哥帅Mode」，只要过多一排，到时嘅拜仁肯定无坚不摧!赛前「小猪」都走出嚟话，佢同班队友都开始摸到条路，前锋文迪苏杰解冻后，更加係连续两场联赛有「士哥」，配合新过档、今晚好大机会披甲嘅马里奥葛斯、一路都弗嘅列贝利同洛宾，拜仁好恐怖呀!今晚只要发挥正常，赢3粒真係「最低消费」啦!

　　相反，纽伦堡开咧后表现麻麻，继德国盃畀低组别球队辛特侯逊踢走后，头两场联赛都要去到绝境先逼和对手，日本球星清武弘嗣表现对办又点?班后防球员都唔集中，畀对手搓两搓就散晒，开季3场对住唔算难踢嘅对手都要失5球，清武晓飞都唔掂啦!今晚佢哋去到安联，随时未踢已经脚软，准备抬蛋啦!

　　顶占笋盘：拜仁慕尼黑(让球主胜)