好派唔派派书(输)咁择使?早两日向静冈市派咗批书嘅清水心跳，今日主场对住浦和红鑽，真係想赢都难，至多係入番对手一、两球，所以呢场日职不妨博个1.62倍入球大。

　　(有线64及203周六下午5:00直播)

　　依家排喺日职13位嘅清水，非常重视今场波，早两日仲派咗啲人去JR岛田、烧津、藤枝车站派传单，提醒啲球迷记得捧场。唔只咁呀，响礼拜二嗰日，清水仲向静冈市立图书馆，赠送14本球会创立20周年嘅纪念册，呢本220页嘅大製作，有齐晒清水所有纪录、名将介绍同访问，由当日开始市内12间图书馆都可以借到嚟睇。

　　红鑽上仗落后3球照反胜

　　搞咁多嘢， 清水赢梗咩?如果斋睇往绩，佢哋有权讲句咁嘅说话，事关清水主场17次对浦和，取得10胜2和5负，胜率将近有6成。问题係此一时彼一时，今季清水表现反覆，入得又失得，近8场波除咗对FC东京同友赛马来西亚，场场波至少有4球交收，买佢赢不如博佢大好过。

　　对家浦和红鑽家阵排第3位，对积分榜10名打后嘅球队甚少失手，首循环主场输畀清水，都係因为留力亚冠盃嘅关係，上场波对大分三神能够响落后3球反胜4:3，完全见到呢班波嘅霸气，争取连续3场入波嘅兴梠慎三、有元口元气、马斯奥李察迪斯帮手，真係有权省爆清水个龙门，博大啦!