祖记主将马治斯奥养伤兼遇剋星

　　新一季意甲今晚开锣，其中衞冕嘅祖云达斯将会出访上季位列中下游嘅森多利亚。咪以为祖记今夏继续扩军就o赵硬森多，查实主队上季联赛曾经两胜祖记，係祖记剋星，加上祖记今仗嘅中前场组合，同上季变动唔少，估计就算今晚赢到波，随时都要到下半场先搞掂，2.22倍半场和应该有计!

　　(开赛时间：周日凌晨2:45)

　　冇错，祖记係意甲一哥，实力超班，今夏仲为前线引入泰维斯同洛兰迪两个世界级前锋，淨係睇佢哋上星期意大利超级盃大炒拉素4粒就知係勐料。不过，要注意係前线换人多，默契始终要时间培养，最惨係佢哋个进攻发动机马治斯奥上仗仲被踢伤，右膝韧带撕裂，至少要抖一个月，就算有法国新星保罗普巴顶替，但係想话半场搞掂对手，你估讲咁易咩?

　　森多上季两胜「老妇人」

　　森多呢边，原来係上季意甲唯一能够两个循环都砌低「老妇人」嘅球队，唔理係符碌定靠真材实料，至少今次碰头，心理上唔会惊咗对方。再者，森多阵内其实都有唔少好波之人，其中塞尔维亚嘅23岁中场基斯迪锡，盛传係祖记计划搵佢接替派路做指挥官嘅目标球员，今铺交手，佢梗係要踢好波「骚哥利」啦!

　　仲有一点，祖记原来近6次作客森多，竟然1场都未赢过，只取得4和2负成绩，仲要係6场都开半场和，2:2大比数都开过，信数据嘅话，半场和当然要捧场啦!