唔少人都睇好保顿係升班热门，估唔到呢班波开季表现咁令人失望，踢咗3轮英冠都仲未开斋，最大镬係灵魂人物戴伦柏利今晚要停赛，对住势如破竹嘅昆士柏流浪(QPR)就算有地利，睇怕都唔会有运行，第一队入球梗係捧1.98倍嘅客队着数啦!

　　(开赛时间：周六晚7:15)

　　係，虽然QPR新季3战有两场波先告失守，但相信呢个情况唔会喺今场波发生。事关对家保顿新季喺英冠入得两球，两球波都係戴伦柏利建功。呢位28岁光头佬更加係全队传球成功率第2高球员(82.3%)，食粥食饭都靠晒戴伦柏利，保顿今铺冇咗佢，中前场随时陷入瘫痪都似，第一队入球?入到波先算啦!

　　对家QPR新季录2胜1和，领队夏利列纳讲明今仗作客都照攻，计划派晒查理柯士甸、森莫亚同安祖庄臣落场，当中以新加盟嘅查理柯士甸最有睇头，佢上季就帮般尼丧入28粒，遇着沉到爆嘅保顿，仲唔乘势踩多脚咩!