寸王挑机要斗入波

　　英超今晚上演「双城记」，上季英冠盟主卡迪夫城喺主场对前季英超冠军曼城，牌面固然冇得比，最重要係车路士「Special One」莫连奴即刻挑机话要斗入波，试问被球迷封为「Only One」嘅曼城新领队比历连尼点可以衰畀人睇?捧2倍「让球客胜」!(now621台及广东体育周日晚11:00直播)

　　曼城喺热身赛打起咗迪斯高，上星期仲有阿古路伤愈复出，结果以4球淨胜纽卡素，英国传媒仲话，如果唔係球证漏判两球12码，同埋有其他错判，其实曼城赢够9:0都得!而且曼城放弃文仙尼时代嘅沉闷排阵，改打4-4-2竟然有西班牙国家队嘅进攻味道，正式好睇又好食，难怪足智彩捧佢哋做英超冠军大热门。

　　曼城442新阵打出斗牛风格

　　可能见到风头被抢，莫连奴知道曼城大胜后，曾经主动挑战话车仔都要连场大胜至有霸气，不过比历连尼已经赢尽球员同粉丝嘅心，除咗迪斯高话感激佢信任，耶耶托尼同萨巴列达都大讚新领队有料到，上星期曼城球迷更加合唱「There is only one Pellegrini」欢迎佢，摆明讚佢领军功力仲劲过寸王。

　　卡迪夫城老将比拿美倒戈

　　仲有呀，由于队长高柏尼喺开咧战受伤，估计曼城要搵查维马天尼斯移后串演中坚，后防唔稳阵，以曼城嘅牌面以攻代守好正常。对家方面，卡迪夫城升班后使唔少钱，甚至连续3次打破球会转会费纪录买人，不过佢哋喺开咧战即淨吞韦斯咸两蛋，明显未夹熟。至于倒戈出战嘅33岁前锋比拿美，佢有几多料，曼城班人点会唔知呀?

　　曼城半场胜一样咁稳阵

　　既然睇好曼城，「让球客胜」有2倍当然抵捧，但如果觉得等90分钟都嫌多，就不妨考虑埋1.8倍曼城半场胜，因为卡迪夫城喺开咧战得1次埋门中框，就算曼城后防唔齐脚，佢哋都唔似恶得出样，更何况曼城今年踢19场联赛有12次保持清白，比率达到63%，只要完半场前生性入到波，半场胜好稳阵。

　　卡城上场埋门得1次中框

　　卡迪夫城上季英冠主场得分最多(51分)。

　　卡城开咧战得1次埋门中框。

　　曼城2013年出战19场英超有12场保持清白。

　　曼城射手迪斯高开咧战埋门8次，超过个人上季任何一场联赛。