主场恶霸最叻速战速决

　　啱啱喺西超盃首回合踢出漂亮一仗嘅马体会，今晚回师西甲主场迎战华历简奴，以佢哋强劲嘅主场威力，要砌低今季前线大换血、火力大减嘅客军根本话咁易。最紧要係马体会班波擅长「速战速决」，连上仗西超盃对巴塞都可以半场领先，既然斋W得1.25倍冇肉食，不如博瓣1.72倍半场主胜仲过瘾!(now632台及广东体育周一凌晨1:00直播)

　　马体会实力高出华历简奴唔止一截，虽然今个夏天佢哋放走超级射手法卡奥，但由巴塞补入嘅韦拿绝对唔差得几多，加埋巴西箭头迪亚高哥斯达又係有料之人，要入波简直「依丝执」啦!

　　华历简奴5成机会半场落后

　　再者，马体会嘅主场威力绝对唔讲得笑，上仗能够踢和「地上最强」之外，上季初更曾喺联赛造出13连胜佳绩，当中竟然有10场半场就领先，全季亦有近6成比率开到半场主胜添!值得一提，「床单军」今季仲喺华历简奴收购咗20岁新星巴迪斯达奥!虽然呢位森巴射手赛前话主帅施蒙尼冇问过佢拎前东家资料，但你信唔信先?

　　华历简奴呢边，开咧战作客大胜艾尔切「3蛋」，睇落几巴闭，但咪忘记对手係新升班，根本唔多够班，今铺对住马体会仲点会有运行!仲有，佢哋今夏先后放走首次席射手比迪同巴迪斯达奥，留低嘅荷西卡路士上轮联赛又左膝重创要抖半年。虽则华历简奴啱啱由艾美利亚借用前巴塞小将科基，睇怕帮唔到几多，以佢哋上季作客近一半赛事半场落后，今晚想顶耐啲都难。