上季喺葡超戏剧性后上封王嘅波图，今季开咧战轻鬆以3:1击败塞图巴尔，佢哋火力强劲，近3仗场场都有3个「士哥」，今晚主场撞正状态同样唔曳嘅马里迪莫，有机会合演一场入球大战，总入球5、6球分别有7同12倍，对碰出击机会不俗，回报吸引o架!(开赛时间：周一凌晨2:45)

　　马里迪莫斗攻有心有力

　　波图喺暑假先后放走占士洛迪古斯同摩天奴，但好彩仲能够保住首席射手积臣马天尼斯。呢位哥伦比亚前锋上季轰入26球，今季无论喺葡超盃同联赛开咧战都有入波，射术唔讲得笑，加上新兵祖安昆特路又已经开斋，火力依然有保证。马里迪莫呢边，上星期主场迎战劲旅宾菲加，个个都以为佢哋冇运行，偏偏佢哋就打出争气波赢2:1，证明都有一定锋力。

　　再睇埋数据，虽则话波图上季未开过总入球6球，但5球都叫做开过3次，马里迪莫5同6球则同样开过3次，绝对唔係死守闷波。不过讲到靓绩，点都要数波图近4次主场迎战马里迪莫，原来有3次开出总入球5个，只要今晚双方都生性肯攻，自然多波入啦!