今晚德甲布伦瑞克主场迎战法兰克福，两者同样力争联赛首捷，不过新升班嘅布伦瑞克进攻弱过药煲，缺乏破门板斧，相反开锣战意外大败嘅法兰克福，迅速重拾状态，今场足智彩开平手盘，捧法兰克福最少立于不败之地。 (有线61、64、201及203周日晚9:30直播)

　　布伦瑞克锋力弱过药煲

　　布伦瑞克喺联赛接连面对云达不来梅及多蒙特呢啲勐嘢，喺守将丹尼斯杜根同汉尼受伤倦勤下仅败，防守演出算做有交代。不过施蒙积臣、贺查舒捷特等锋将踢落则明显唔够班，撇除多蒙特箭头「罗拔仔」摆乌龙嗰球，实情佢哋仲未入过波，前线火力弱到咁，今场都係唔使旨意佢哋有乜大作为咯。

　　法兰克福喺揭幕战被哈化柏林怒炒6:1，讲真卡尔万都觉得难以置信，好在班波成功迅速调整，跟手恶斗班霸拜仁仅负0:1，日前欧霸盃作客阿塞拜疆更清脆以2:0击败卡拉巴克，纵有次回合顾虑，但现时手执2个作客入球，晋级形势大好，相信佢哋今场波会落足全力，务求敲响联赛胜鼓，凭藉美亚、乾贵士、史堤芬艾格拿呢个进攻铁三角数胡，1.81倍平手盘可以坐和望赢。