厂仔反击战「大」派用场

　　夏天转会市场就嚟闩，阿仙奴领队云格会唔会出手买人成为焦点，球迷批评佢「守财」，但又唔可以唔服佢嘅领军能力，啲人伤晒、兵源有限都可以喺欧联附加赛首回合作客大胜费伦巴治。今晚次回合返到主场有3球喺手，费伦巴治冇得拣惟有焗攻，撞正厂仔反击战煞食，两队有望合演入球骚，玩1.54倍入球大。(有线61及201周三凌晨2:45直播)

　　中后场多伤兵 前线禾仔孭飞

　　云格买人向来迟到好过冇到，尤其继续要喺多条战线出击，增兵係当务之急，难怪呢排传完斟卡比耶，又话对迪马利亚有兴趣。不过无论转会市场点样发展，今晚阿仙奴都要靠现有人脚应付。华美伦、阿迪达、戴亚比同阿历士张伯伦等等球星养紧伤，中后场可以用嘅人其实唔多。反而锋线人脚充裕少少，禾确特、基奥特同路斯基状态都唔错，辛迪卡索拉亦逐渐上力，战斗力有番咁上下。

　　费伦巴治欧联告别战?

　　费伦巴治依家陷出局边缘，而且有关佢哋打假波被罚停赛嘅上诉桉，预计呢两日就会有结果，一旦上诉失败，今届同下一届都会被禁止参加欧联，班球员梗係当正呢场係告别战，为名誉而战嘅格局踢，希望打出漂亮一仗，留番个好印象。以古积特同韦保等前锋嘅质素，费伦巴治的确有本钱大踢进攻足球，今场睇怕都係大手交易，入球大好稳阵。

　　首回合：阿客胜3:0

　　顶占笋盘：阿仙奴(入球大)