西超盃次回合Show Time

　　「华丽 Vs 平实」之战今晚爆发!西班牙超级盃嚟到次回合，轮到马德里体育会作客巴塞隆拿，「地上最强」首回合以1:1逼和马体会，拥有作客入球优势，但相信一班巨星仍会努力争取「士哥」求稳阵捧盃，但开局极佳嘅马体会当然唔会坐以待毙，一班实而不华嘅射手肯定继续同主队驳火，就算入球中位数开到3.5球，照捧2.05倍入球大啦!

　　(now632台周四清晨5:00直播)

　　巴塞阵中粒粒皆星，除咗将会迎来巴塞第100战嘅法比加斯、同埋获沙维激讚「注定会出人头地」嘅尼马外，美斯亦都已经喺前日复操，今场照计可以上阵，有番呢位马体会守将祖奥米兰达讲明「最好唔踢得」嘅「球王」压阵，「地上最强」有望终止近两场火力麻麻嘅颓势。

　　美斯复操回归正选

　　巴塞首回合只係靠作客入球优势佔上风，捧盃未稳阵斗心一定强，而且巴塞不嬲都係「主场龙」，近6次喺鲁营斗马体会，有5场都至少入3粒，今场有侧击力强嘅丹尼尔，及啱啱续约嘅中场核心布斯基斯齐齐踢番正选，数多几球绝对冇难度。

　　马体会嘅星味一定比唔上巴塞，不过就肯定够晒实际喇，新援韦拿虽然已经上咗年纪，但首回合正係靠佢入靓波先保住夺冠希望。鲁尔加西亚上仗联赛梅开二度，讲明会喺今晚「做番齣好戏畀球迷睇」嘅迪亚高哥斯达更係3场入3粒，咁嘅火力要射穿仍然未买到中坚嘅巴塞绝非冇可能o架!今晚无论鹿死谁手，都肯定係一场精彩「大」战!

　　首回合︰巴客和1:1

　　美斯恰死马体会

　　巴塞隆拿近8战开出6次入球大。

　　巴塞近6次喺主场斗马体会全胜，其中5场至少淨胜3球。

　　巴塞近6次同马体会交手，美斯射入10球。

　　鲁营交手威惯捧「让主」

　　巴塞隆拿近年一直剋住马体会，尤其喺鲁营球场更经常以至少3球差距大胜，今场更有对住呢支马德里球队例牌有好表现嘅美斯复出，就算后防失波，前面都一定入得番够数炒起对手，1.74倍「让主」捧得过o架!