今晚嘅日职大战，好可能决定今季边队攞冠军，横滨水手喺主场对浦和红鑽，让平半值得博。最近有调查显示，水手嘅真正比赛时间係日职最少，平均每场有39分钟「摊抖」，难怪两个「70后」马昆奴斯同中村俊辅咁鬼生勐，有佢哋帮手上盘捧得过。

　　(有线61及201周三晚6:30直播)

　　每场真正打51分钟悭体力

　　现时水手以1分领先红鑽，个人认为，佢哋比榜首嘅广岛三箭更有冠军相。虽然水手日前作客以1:2不敌鹿岛鹿角，但其实37岁射手马昆奴斯接应35岁队长中村俊辅嘅「艺术传球」先开纪录，为乜赛程咁密佢哋仲咁劲?原来水手平均每场得51分钟左右真正比赛，属于日职最少，悭番好多体力o架!

　　事实上，马昆奴斯近9场得1次冇波入，包括喺热身赛射爆过曼联大门，而且佢加盟水手以来，已经连续3次喺联赛对红鑽入波，今场随时又发威。咁当然，红鑽近况都好掂，日前作客以2:0解决清水心跳后，近5场有4胜1负，问题係佢哋防线不稳，作客清水又有4个球迷闹事畀警察拉咗，麻烦事太多要唔过。