欧霸盃附加赛次回合今晚连环爆发，史特加喺主场再遇列积卡，随时衰多镬。虽然史特加高层揿紧急掣炒咗教练拉巴迪亚，不过唔够中坚用嘅问题，并唔係新教练汤马士舒尼达可以解决，对家列积卡未踢过欧联或者欧霸盃分组赛，係时候创造历史，捧3.75倍「让客」!(开赛时间：周五凌晨0:00)

　　中坚兵源告急4场丧失8球

　　除咗新加盟嘅中场马高洛查士受伤，后衞尼达美亚打柴后，作为队长嘅泰斯治都宣布膝部韧带撕裂长抖，加上中场奥达尔同迪达维未好番，开季冇耐已经成队残兵咁嘅款。咁大家应该明白，点解史特加会遭遇4连败，包括首回合以1:2惨负列积卡，日前喺德甲作客以同样比数不敌奥格斯堡啦!

　　当然，史特加高层喺次回合前落柯打炒拉巴迪亚，安排助教汤马士舒尼达顶上领军，证明佢哋好想拎到欧霸盃分组赛入场券，搵番啲奖金帮补，弊在家阵伤兵满营，而且尼达美亚同泰斯治受伤后，中坚位置兵源告急，对上4场史特加丧失8球，各位唔係谂住佢哋依家条豆腐防线可以保持清白啩?

　　克罗地亚列积卡搏命创历史

　　另一方面，列积卡喺克罗地亚冇乜点威过，不过佢哋阵中有几个波斯尼亚外援，对于効力史特加嘅国家英雄伊比斯域，肯定非常熟悉，照计会有办法睇住对方，所以首回合完场前执番粒嘅伊比斯域唔容易再发威。更何况，列积卡从未踢过欧洲赛分组赛，难得创造历史在即，并且有机会疯狂掘金，点会唔搏命呀?