两支新升班嘅艾美利亚同艾尔切开季两战同得1分，今晚双方喺西甲狭路相逢，都想抢3分为护级打好基础，肯定唔会打守势波。最紧要係两军今周同样得到星级进攻球员加盟，主场出击嘅艾美利亚有葡萄牙国脚希达巴保沙来投;艾尔切则有加纳射手耶当保亚基强化锋线，斗攻点会少入波?今场一于博2.05倍入球大啦!(开赛时间：周六清晨5:00)

　　各有星级箭头加盟

　　艾美利亚今夏增添9名新兵，其中前线分别向利物浦同巴塞隆拿B队借用苏索同洛迪里奥斯，前线当堂生勐晒，特别係洛迪里奥斯上阵两场已经入咗3粒，唔嘢小o架!唯一可惜係班波防线麻麻，两场失咗5球，今场佢哋赢唔赢到波实在难讲，但加入埋布拉加借将希达巴保沙，进攻更多瓣数，要射爆艾尔切条豆腐防线有几难?

　　双方同样不设防

　　艾尔切係上季西乙冠军，不过今季开咧战作客吞咗华历简奴3蛋，上仗亦只能踢和留力欧联嘅皇家苏斯达1:1，防线唔多掂。佢哋条锋线本来实力唔算突出，不过前日佢哋就成功向祖云达斯借用加纳新星耶当保亚基，据闻此子今晚仲可能披起9号波衫担正，火力提升下，有力同艾美利亚合演入球骚。