「瘟神」救世!今晚意甲重头戏有衞冕冠军祖云达斯喺主场迎战拉素，「斑马兵团」今夏以超抵价买入嘅「曼城瘟神」泰维斯，嚟到意大利即刻摇身一变成为救世主，今晚有望重演意超盃嘅大屠杀大炒拉素，一于直取1.92倍「让主」啦!(开赛时间：周日凌晨2:45)

　　喺曼城曾多次闹转会、罢踢嘅「泰仔」以超低价钱转投祖云达斯，唔少球迷都觉得呢单交易超值，睇番「斑马兵团」开季嘅战绩亦都证明咗呢点，呢位阿根廷前锋意超盃同开咧战都各入1球，证明佢已经成为球队嘅进攻核心!

　　干地不败率仅次哥帅

　　「野兽」自爆踢得咁掂，全因佢识得改变自己嚟融入队波，所以咪同班队友咁快就夹得咁好囉!加埋保罗普巴同胡仙历呢班高质素嘅队友，返到主场肯定开火狂轰意超盃嘅手下败将拉素啦!

　　值得一提係，祖记教练干地係近年教头中嘅「次席不败男」，领军赛事得9%输波，仅次巴塞隆拿时代嘅哥迪奥拿(8.5%落败)，出色教练加埋兵力雄厚，唔怪得今季嘅祖云达斯被意大利传媒视为联赛嘅Strafavoriti(超级大热门)啦!拉素主力射手高路斯始终年事已高，今季无论係国际赛同埋球会赛事，暂时都未发挥到水准，而且中场鸭都拉干高同埋菲腊安达臣未出得，对住祖记睇怕冇咩好下场喇!