锋将争位实同你砌

　　慕逊加柏嘅贵价前锋卢克迪庄喺星期二啱啱过咗23岁生日，虽然佢喺新季沦为后备，但呢位荷兰射手讲明唔会离队，希望全力博表现重夺正选咁话，小弟相当欣赏佢呢种态度，既然慕逊前线人脚充足火力有保证，今晚迎战云达不来梅，一于强捧1.68倍主W啦!(有线61及201、中央5台周六晚9:30直播)

　　不来梅3战入得2粒

　　慕逊加柏一开季就硬仗连场，作客输畀上季「一哥」拜仁慕尼黑同季军利华古逊都係非战之罪，不过面对住同级数嘅球队，佢哋就真係惊都未惊过喇!因为慕逊嘅锋力相当厉害嘛!新加盟嘅巴西前锋拉菲尔基达奴有质又有态，拍住土炮指挥官麦斯古斯，坚过石坚!呢对拍档仲搞到连堂堂荷兰国脚卢克迪庄，都被迫要坐后备席添!

　　不过呢种良性竞争，阿占就觉得对慕逊加柏係百利而无一害，淨係睇佢哋近3战虽然只得1胜2负，但就攻入6球，咪忘记连核心人物艾兰高喺上星期都开埋斋，今铺返到主场，阵中又冇乜重要伤兵，肯定全力丧攻抢3分!

　　相比起主队嘅强大火力，云达不来梅开咧3场联赛只係入得嗰2球，主力射手尼斯彼德臣唔经唔觉已经有成1,228分钟未喺德甲入过波，即使教练杜特走出嚟解画讚佢努力，但一个射手咁耐冇波入，乜信心都冇晒啦!事实上，不来梅今季冇咗奇云迪布尼后创造力大减，柱趸前锋彼德臣冇供应，根本同废咗武功冇分别，今铺作客慕逊，听抬蛋都得咯。

　　顶占笋盘：慕逊加柏(主胜)