今晚西甲头轮，由切尔达喺主场迎战CF格兰纳达。切尔达上星期作客以2:1击败战斗力唔弱嘅贝迪斯，成功打开今季胜门，家阵成班波信心爆棚，返到主场球迷面前又点会唔加多两钱肉紧，争取2连胜先?切尔达个4倍「让球主胜」值得一博o架!(开赛时间：周日凌晨1:00)

　　切尔达今季由踢过巴塞隆拿嘅名将安历基执教，风格比上季进取咗好多。係，虽然呢班波季前热身赛嘅表现唔多理想，但经过一段磨合期后，切尔达近排嘅演出已经愈嚟愈好，近2仗更攻入4球，一班中前场球员好似丹麦国脚高恩迪利、查里斯同洛尼图嘅状态都唔错，锋力当然够晒保证啦!

　　格兰纳达斋靠艾亚比数胡

　　防线方面，切尔达虽然有中场队长奥宾拿上星期做咗「红牌阿姑」，今晚要「坐波监」，不过近2仗屡救险球嘅门将约艾洛迪古斯弗到漏，有佢把关，相信班守将压力都会细啲，要顶住CF格兰纳达嘅进攻?唔难囉!

　　作客嘅CF格兰纳达家阵2战1胜1负得3分，论表现只係中规中矩，先係作客以2:1赢状态奇差嘅奥沙辛拿，上星期对住未上力嘅皇马就全场畀人揿住嚟砌，输0:1只係好彩，唯一有态嘅係艾亚比，只可惜呢位法国射手唔係嗰种可以一己之力扭转局势嘅球员，今铺作客切尔达，CF格兰纳达都几牙烟咯。