法甲衞冕冠军巴黎圣日耳门(PSG)上仗打开联赛胜利之门，主帅白兰斯同成班球星终于鬆一口气。今晚「返晒嚟」嘅PSG回师王子球场，迎战升班球队甘冈，係时候大炒一场擦靓啲个招牌喇，一于撑1.52倍「入球大」啦!(now714台周六晚11:00直播)

　　甘冈耶达巴利脚风顺

　　PSG上仗作客南特全取3分，班球星大帝今晚可以抛开心理包袱比赛，表现应该会愈嚟愈好。新加盟嘅前锋卡云尼极速融入队波，连续2场比赛都有「士哥」，就连另一锋将拿维斯亦开埋斋，加上翼锋文尼斯伤愈复出，PSG嘅锋力根本唔需要怀疑。冇错，虽然射手伊巴谦莫域仲适应紧新踢法，但呢位上季法甲神射手一向唔衰得，眼见队友都入晒波，佢今晚一定会加多两钱肉紧争取入球，甘冈条防线，又点顶得住「4大Goal手」吖?

　　尤其係甘冈升上法甲后冇咩重要收购，阵中新兵都係以法乙球员为主，实力好难提升喎。淨係睇佢哋联赛首战喺主场对住争标分子马赛，踢咗20分钟都冇就已经失咗3球，今铺作客PSG再次脚软，一啲都唔出奇。值得庆幸嘅係佢哋件耶达巴利最近脚风顺，近3仗联赛射入3球，对住连法冠盃在内连续4场都有失波嘅PSG，未必捧蛋而回，既然PSG个「让主」得1.5倍，热得嚟分分钟仲要惊餐饱，咁倒不如转捧1.52倍「入球大」仲好啦。