今晚英超有诺域治主场迎战修咸顿，「金丝雀」有新援云禾夫斯云高压阵唔怕冇波入，但拥有列基林拔嘅修咸顿一样有能力取得进帐，预期今场会势均力敌，分分钟一人入一粒，总入球取3.3倍嘅2球就啱啱好啦!(now624台周六晚10:00直播)

　　两队上季齐齐稳守中游位置，今季各自增兵后实力继续叮噹马头，好可能延续近6次对赛4度打和嘅局面。「金丝雀」嘅新收购除咗有上场联赛盃已获进帐嘅利莱费亚等高质强援之外，仲有嚟自士砵亭嘅云禾夫斯云高，呢位仁兄为旧东家上阵55场就劲入28球，嚟到英超后亦都已经射入处子球，今次喺主场要入番粒照计唔成问题。

　　至于修咸顿亦都唔好惹，除咗早前首次入选「三狮兵团」就入波嘅大红人列基林拔外，新签嘅奥斯华度都唔係善类，有佢两个拍住上，就算作客都有能力好似首两场联赛咁喺最后关头入番粒o架!