一扫近年颓风，开季两战全胜高踞榜首嘅葡超老牌劲旅士砵亭，今晚火併老对手宾菲加，肯定会食住个势，一开波就抢。至于开季表现失望嘅宾菲加，为怕得罪球迷，睇怕一样唔敢死守，要入2球或以上开出2.6倍半场大又有几难?(开赛时间：周日凌晨3:00)

　　士砵亭今季放走射手云禾夫斯云高，个个都以为佢哋会继续衰落去，点知新加盟嘅哥伦比亚射手费迪蒙迪路一样勐料，开季两战已入4粒。防线方面，小将中坚泰亚高艾罗尼天分十足，但佢近排获包括利物浦等多间大球会垂青，转会窗临关闭前能否专心应战真係难讲，稍一不慎或连累球队半场失波。

　　开咧战不敌马里迪莫嘅宾菲加，上仗补时连入两粒反胜基维辛迪真係执身彩，麻烦友前锋奥斯卡卡度素因为上季尾葡盃决赛推撞主帅佐治捷西斯，到依家都未获得解冻，但佢周一已啱啱归队复操，相信其馀前锋队友都会感到压力，今仗会全力争取入波。只要两队都肯攻，半场当然大得起啦!