安历卡冇Mood好难入波

　　今夏先加盟西布朗嘅法国射手安历卡，上个礼拜突然话想退休，据闻係因为佢嘅经理人逝世，令佢对足球无晒兴趣。好彩最后奇勒落力劝说令安历卡回心转意，今晚西布朗主场迎战史云斯，安历卡都会列入大军名单，之不过冇晒Mood嘅安历卡，係咪可以救到西布朗?小妹就觉得好难喇，佢哋根本让唔起史云斯，热捧1.5倍「让球客胜」最明智。

　　昔日嘅英超鱼腩西布朗，近季嘅成绩有番啲起色，上季仲以第8名完成球季，令人刮目相看添。不过今季西布朗又打回原形，喺首轮比赛作客0:0和爱华顿尚算可以接受，但第2战喺主场以0:1不敌修咸顿，就完全反映出佢哋嘅锋力极度疲弱，其中一个原因，当然係季前佢哋放走咗好多主力啦，当中最大败笔，就係用安历卡取代年轻力壮嘅卢卡古!

　　西布朗星散打回原形

　　从近两仗可见，安历卡嘅威力已大不如前，而且呢位法国射手心情极度低落，夹硬逼佢上阵，分分钟有反效果。事实上，用过气球星担大旗，上季昆士柏流浪已经有办你睇，西布朗竟然仲走去重蹈覆辙，若然到季尾落得QPR降班嘅下场，完全係咎由自取。

　　史云斯上季作客有料到

　　另边厢嘅史云斯，开季两场英超输晒不特止，计埋得失球差嘅话，史云斯仲要包艇添。不过咁，查实史云斯开季输嗰两场波，对手分别係曼联同热刺，拎唔到分真係非战之罪。睇番「天鹅」嘅人脚，同上季基本上係一样，冇理由会突然走样，而且佢哋近10场作客比赛有7胜1和2负，入29球失4球，名副其实攻得又守得，所以今晚西布朗学人让波?当然要捧受让嘅史云斯「让客」啦!