皇马「大」战毕尔包

　　今日傍晚会上演西甲今季首场超早场赛事，由皇家马德里主场迎战毕尔包!「银河舰队」王牌C朗为咗一吐失落欧洲足球先生嘅乌气，一定踢得劲搏命，有一定质素嘅毕尔包亦有能力取得入球，两军极有可能延续近5次喺巴拿贝对赛至少入5粒嘅走势，入球中位数开到3.5，照捧1.72倍入球大啦!

　　(now632台周日晚6:00直播)

　　「新万人迷」6斗毕尔包入9球

　　「银河舰队」喺开咧首两战只係入咗3球，不过小妹绝对有理由相信，佢哋今晚返到主场会大爆发!首先C朗失落欧洲足球先生奖谷埋成肚火，索性连颁奖礼都唔去，今场仲唔拎「包包」出气咩?咪忘记佢近6次对毕尔包劲入9球，可以话係「巴斯克雄狮」嘅剋星，加埋伊拿拉文迪要趁沙比阿朗素有伤争上位，迪马利亚为留队为睇办都要交货，唔夹手夹脚数多对手几粒就奇啦!

　　虽然毕尔包对亲皇马都冇好结果，但值得留意嘅，係佢哋近6次造访巴拿贝连续5场有波入，虽然佢哋冇咗洛兰迪呢位射手，但迪马高斯同蒙尼恩等后生仔一样有货交，仲有件盛传畀曼联睇中嘅安达靴里拉都想骚哥利，博「红魔鬼」收购，今铺几大都同「银河舰队」斗攻，咁嘅环境，一于玩「大」佢啦!