AC米兰杀入欧联分组赛，总算放下心头大石，终于可以专注番联赛。「红黑军」今晚将会喺圣西路球场对卡利亚里，相信佢哋可以承接上仗气势，大炒一向食惯嘅卡利亚里，2.05倍「让主」要追。

　　(开赛时间：周一凌晨2:45)

　　近3次主场对赛都大胜

　　有统计话AC上季打入欧联16强，奖金连其他收入一共进帐超过5,000万欧元(约5亿港元)，比起喺上届欧霸盃8强出局嘅拉素所赚不足1,000万欧元，真係有天渊之别，难怪AC喺上星期嘅意甲开咧战要留力欧联啦!所以即使「红黑兵」作客败走维罗纳1:2，仍然不足为据。好喇，既然AC杀咗入欧联分组赛吸金，当然可以专心迎战卡利亚里见真章啦!咪忘记「红黑军」已连续3次喺主场赢卡利亚里2球或以上，最近又有前祖记射手马特尼来投，前锋巴洛迪利同艾沙拉维今晚一定要争表现，再次大开杀戒有乜出奇先?

　　对手卡利亚里防线大将艾斯托利盛传扭计博离队，相信佢同上星期一样唔会落场，最惨係卡军今季起用小将尼高拉穆鲁踢左闸，上仗对阿特兰大都已经好似唔多掂咁，今晚仲要作客圣西路喎，好易怯场出丑o架，撑AC「让球主胜」啦!