过去一周评述咗两场「互交白卷」无纪录嘅比赛，味道却截然不同。曼联同车路士嘅大战固然令双方拥趸失望，尤其係莫连奴嘅「无锋阵」唔单止未能带嚟惊喜，趋向被动防守嘅打法更成为呢场闷战元凶;而马体会摸和巴塞嘅西超盃次回合，虽然同样无入球，但技术含量和精彩程度就高得多，球迷熬更抵夜捧场亦唔会呻笨!

　　今晚超级星期天同样有两场大战。头场「双红会」係传统大战，两雄今季发挥亦佳，利物浦进攻流畅兼两仗不失令人惊喜，可惜新加盟嘅阿里施苏高同埋高路托尼有伤、苏亚雷斯又要坐波监，未能夫添一战;至于曼联就忙于喺最后关头斟介几位心仪球员，好似迪罗斯、费兰尼同莫迪历等等，睇怕汤卡华利、卡域克係时候尽骚Quali，唔係新兵嚟到随时冇碇企。

　　尾场嘅北伦敦打吡，精彩度相信唔会比「双红会」曳。呢场被喻为係「守财奴」同「阔少爷」之战，阿仙奴领队云格年年都话想争标，但受制种种原因至今仲未能购得心头好，加上首战失利，结果广受批评，好彩班波喺欧联附晋级，叫做暂鬆一口气。儘管云格盛传喺转会窗关闭前力争签下皇马3员勐将，但相信机会淼茫，随时又係煲无米粥。

　　讲到买人效率，热刺主帅保亚斯就「讲得出，做得到」，卖走一个加里夫巴利，换入7名勐将如荷西保连奴、苏尔达杜等，仲要个个都係好波之人，整体实力同板櫈深度进一步提升，睇嚟云格呢方面要好好学习。