今晚德乙有场凯沙罗顿主场迎战科特布斯，客军今次失去包办球队一半入球嘅主力前锋辛洛高，火力受严重打击，以佢哋低迷嘅作客战绩，今次造访主场表现出色嘅凯沙罗顿都几难有好下场，当然直取1.93倍上盘啦!(开赛时间：周二凌晨2:15)

　　凯沙罗顿虽然啱啱喺客场吞咗阿伦4蛋，但係呢队波喺两场主场赛事都有好表现，今次回归自己地头绝对值得信赖。今仗佢哋有前锋艾迪素停赛，好彩顶替嘅西蒙祖拿亦有一定质素，早前斗恩高斯达特就曾经梅开二度，而且今次对手係作客极度唔掂嘅科特布斯，要赢波绝对冇难度。科特布斯今场亦都有作为火力泉源嘅射手辛洛高坐波监，正选左闸比度夫亦都要陪住佢齐齐坐波监，攻守各缺一大将，认真大镬!科军近9场作客只係得1胜，名副其实係「作客虫」。