沦落到降班区挣扎嘅老牌劲旅圣保罗，听朝喺巴甲作客包尾大幡纽迪高，肯定唔会留手力求大胜一铺。虽然话圣保罗近排要经历8日4战嘅死亡快车之旅，好彩係佢哋今仗有前锋艾莱斯奥同路尔斯法比安奴齐齐波监刑满复出，强阵出击下作客小让平半，梗係捧1.86倍上盘啦!

　　(开赛时间：周三早上8:00)

　　包尾大幡纽迪高4连败

　　圣保罗今季表现令人失望，目前以16战得15分排尾二，虽然球季仲有超过一半要打，但再唔生性，下季乙组再见又有乜出奇?唯一庆幸係佢哋呢一轮演出有起色，近4战取得1胜3和，搵得番节奏又点会惊鱼腩纽迪高先。再者，话就话佢哋寻日朝先斗完保地花高，但两大射手因为当日坐波监，反而因祸得福，体力得以保持，今仗真係勐虎出柙，有力省番几粒o架!

　　纽迪高呢边，15战得8分排包尾，同尾二圣保罗都有7分差距，当地传媒都睇死佢哋会降班冇得掹。以佢哋联赛4连败走势，输到冇晒信心，就算话今仗有地利都信唔过啦!