今晚英格兰联赛锦标第1圈，有英甲球队狼队主场迎战同级对手华素尔，主队今季降班后未有流失大批主力，Keep得住人脚嘅佢哋喺联赛表现极佳，如果可以将呢个势头带到今场波，要炒起攻守俱弱嘅华素尔绝对冇难度，一于直取2.58倍「让主」!

　　(开赛时间：周三凌晨2:45)

　　射手利治格菲斯摆脱官司

　　「狼仔」今季降到落英甲，作为呢个级别联赛入面球员身价最高嘅球队，当然以升班为目标啦!佢哋近4场联赛全胜之馀，每场至少入两粒，最值得留意嘅係近4战入足4粒嘅主力射手利治格菲斯，呢位苏格兰国脚早前喺超级巿场内闹事，最终被法庭判罚100镑，总算摆脱官司困扰，依家可以集中精神应战，「士哥」肯定仲陆续有嚟呀!加埋有另一箭头施古达臣拍住上，省多几粒又有咩难度先?

　　华素尔近4战喺各项赛事都赢唔到，最近3连败兼且劲失6粒、只入1球，证明条防线唔係咁稳阵，由车路士借返嚟嘅前锋米兰拿高域亦都啱啱伤愈复出，状态未係最佳，攻守都唔掂，对住态勇嘅狼队大败一场都係正常不过吖。