巴甲听朝有大战上演，国际体育会喺主场对哥连泰斯，主W值得吼实。随住欧洲转会市场关闭，意味国体会射手李安度达美奥暂时唔能够去英超搵真银，相信佢由呢一刻开始，每场都会搏尽入波显身价，避免成世踎喺巴甲，信佢就要1.95倍主W!

　　(开赛时间：周四早上8:50)

　　哥连泰斯双箭服役缺阵

　　原本李安度达美奥係转会市场抢手货，点知到最后，竟然冇球会真正开价抢人，利物浦甚至公开否认对佢有兴趣添，你话李安度达美奥有咩理由唔心噏吖?当然啦，自从李安度达美奥因伤错过洲际国家盃，佢就踢唔番个人最佳状态，但至少最近已重返正选阵容，呢场趁科兰踢国际赛，难得担大旗仲唔搵人出气咩?

　　睇番国体会有前锋佐治汉历基同中坚阿伦轩历基停赛，连盃赛近8战只得1胜6和1负，近4次对赛又未赢过，但哥连泰斯始终畀唔到我信心，事关前锋柏图喺日前场波梅开二度，助哥连以4:0大胜法林明高，状态全面回勇，正因为咁突然获巴西国家队重召入伍，呢场波唔使预佢，佢位好拍档荷西古里路一样要为秘鲁国家队效命，双箭齐折，哥连作客输波有乜出奇呀?