今晚英格兰喺世盃外围赛欧洲区H组主场迎战摩尔多瓦，虽然「三狮兵」有唔少主力受伤，但脚风超顺嘅射手史杜列治极有可能及时复出，加埋「老虎仔」禾确特状态甚佳，夹手夹脚炒起弱旅摩尔多瓦唔係难事，就算让两粒都直取1.72倍「让主」啦!

　　(now621台周六凌晨3:00直播)

　　朗尼受「恐怖片式」爆头重创，格连庄臣同菲尔锺斯又喺「双红会」齐齐受伤，英格兰主帅鹤臣梗係头痛啦!好彩今次嘅对手只係踢咗7场外围赛都係得1胜嘅摩尔多瓦，就算「三狮兵」唔能够夫添应战，亦绝对够班将去年9月作客同一对手时，大胜5:0嘅局面重演一次。

　　红军射手4战入5球及时复出

　　英国《衞报》就话鹤帅就算冇咗「魔童」，仍有3场联赛交出2次助攻嘅禾确特顶替，「老虎仔」话自己已经「大个仔」，喺国家队都算係经验最深嘅一群喇，为咗国民肯定会全力搏杀，斗心十足!近4战帮利物浦上阵入足5球嘅史杜列治亦及时复出，加埋人气劲爆嘅英格兰「新丁」列基林拔，要大炒实力平平嘅摩尔多瓦又有几难先?

　　摩尔多瓦冇射手唔识入波

　　摩尔多瓦阵中虽然不乏俄超球员，例如身为摩国足球先生嘅安治中坚伊普利安奴，但就一直缺乏一名可靠射手，今次阵容中经验最丰富嘅多罗斯上阵27场只係入3粒，就明白点解佢哋踢咗7场外围赛都只係入得嗰4球喇，今场真係唔使旨意破到蛋呀!

　　英格兰近战旺开大

　　‧英格兰近10战主场赛事得1败，摩尔多瓦近10次作客只有1胜。

　　‧英格兰近7战开出5场入球大，其中4场出现至少4个入球。

　　‧林柏特上仗世盃外对摩尔多瓦梅开二度，并喺6场外围赛入4球。

　　三狮兵爱「大」炒鱼腩

　　英格兰阵中除咗近期人气劲爆嘅史杜列治入球能力强之外，林柏特亦係英格兰喺世盃外围赛嘅主力「士哥拿」之一，加埋「三狮兵」对住弱旅一向唔会手软，对圣马力诺两轮夹埋劲入13粒，上次作客摩尔多瓦亦入够5球，中位数3.5球都照捧2.15倍入球大。