世盃外围赛战火重燃，今晚欧洲区C组就有德国主场迎战奥地利。虽然德国暂时以5分力压奥地利、瑞典同爱尔兰排榜首，不过一向以稳阵见称嘅佢哋肯定想尽快攞到决赛周入场券，今仗点都唔会留力，撑1.45倍「让主」。(now632台周六凌晨2:45直播)

　　小猪葛斯缺阵 高路斯争破纪录

　　德国虽然冇咗中场舒韦恩史迪加同马里奥葛斯，但仍有一班星级战将压阵，前锋高路斯喺国家队射手榜以1球之差落后榜首「轰炸机」梅拿，今场有机会创造历史，你话佢点会唔搏命?至于啱啱加盟阿仙奴嘅中场奥斯尔，为咗证明自己物有所值又好，向卖走佢嘅皇马会长皮里兹示威又好，点都会踢番场好波，配合擅射嘅汤马士梅拿、马高列奥斯等人，试问奥地利后防点顶?

　　大家咪畀奥地利喺小组6场入15球嘅锋力呃咗，其实当中有10球係对法罗群岛同哈萨克射入。阵中名气最大嘅锋将阿拿奥杜域喺德甲打滚多年，有咩路数都畀德军睇晒，好难恶出样。而且佢哋下周三就返主场火併主要对手爱尔兰，成班球员落场好难唔分心囉!

　　欧洲区C组