世盃外围赛亚洲区第5圈赛事今晚上演，约旦首回合主场对乌兹别克，平手都冇着数，因为乌兹别克嘅教头卡西莫夫，经历过06年世盃外围赛临尾香出局嘅惨痛经历后，今次应该会更加谨慎，加上佢上任后乌兹别克信心返晒嚟，即使冇得受让都博得过。

　　(now671台周六凌晨0:00直播)

　　主帅吸取教训战意爆灯

　　两队分别係「10强赛」两组中嘅第3名，晋级嘅话，就会同南美洲区外围赛第5名争决赛周资格。虽然约旦喺上一圈主场赢过澳洲同日本，证明自己唔係鱼腩，但佢哋嘅阵容其实好削吓，前锋巴华比係皇马青训出身，射手艾沙菲就効力过萨丁，除此之外?对唔住，冇乜边个值得留意嘞!

　　乌兹别克方面，佢哋上一圈试过作客砌低伊朗，队长迪积佩洛夫更曾经係亚洲足球先生，而且教练卡西莫夫上年6月上任后，领军喺外围赛连续打沉卡塔尔、伊朗同黎巴嫩，记得佢喺05年乌兹别克对巴林嘅第4圈大战，曾经以球员身份感受错过世盃决赛周嘅悲痛，所以赛前佢话希望人民给予力量争胜，战意无敌值捧。

　　南美洲区赛制

　　9支球队进行双循环比赛，前4名连同主办国巴西直接出线决赛周。

　　中北美洲区赛制

　　现为第4圈阶段，6支球队进行双循环比赛，前3名将直接出线决赛周，第4名将与大洋洲区首名进行主客两回合制附加赛，争逐出线决赛周席位。

　　非洲区赛制

　　现为第2圈阶段，40队分10组，每组4队进行双循环比赛，各组首名将晋级下一圈。若出现同分，将顺序以总球差、总入球数、对赛得分、对赛球差、对赛入球数排名，若仍未能分出高低，将于中立场进行一场过赛事决定名次。

　　亚洲区第5圈