香川真司争气波让得起2球

　　日本一早已经攞到下年世界盃决赛周入场券，佢哋趁住呢次国际赛期，搞咗个足球挑战赛(麒麟盃)试阵，今晚先喺大坂摆擂台，迎战美洲球队危地马拉，下星期二就返横滨恶斗非洲冠军加纳，两场波我哋有线都会直播。

　　讲番今晚呢场，由于危地马拉嘅战斗力同主队争几班，今场实畀日本数到晕!双方实力真係相差好远，所以日本大胜、让2球嘅2.12倍「让球主胜」都绝对要支持啦!小弟仲好期待睇到香川真司嘅「解放」表现添!有佢呢位要「骚哥利」嘅曼联球星带住，日本今场实冇甩拖!

　　(有线61、201周五晚6:25直播)

　　纽伦堡新组合率先登场

　　香川真司今季喺莫耶斯领军下冇乜上阵机会，连佢旧东家多蒙特班球迷都睇唔过眼，喺网上面发起「解放香川真司」运动!虽然喺啱啱过咗嘅转会窗，香川真司并冇离队，曼联亦都冇签入进攻中场，即係表示呢位日本国脚仍然有机会争番正选。佢返到国家队报到后，亦同传媒讲明会更加落力去争位，含住呢啖火嘅香川，今场要爆喇!

　　今场波安排喺香川嘅母会大坂樱花个主场度踢，佢应该好有亲切感，而到时班球迷肯定会落力为日本打气，自然打高两皮啦!讲起转会，日本队长长谷部诚啱啱转咗去纽伦堡，同清武弘嗣拍住上，依家呢对一守一攻组合亦喺今场国家队赛事率先合作，睇吓啲默契培养成点先!

　　顶占笋盘：日本(让球主胜)