输畀瑞士成肚气

　　今晚国际热身赛巴西会喺主场迎战澳洲，「森巴兵团」上一场瘀爆输畀瑞士，撞啱今场喺巴西国庆日对住近况直插谷底、连环输畀中国同日本嘅「袋鼠兵」，当然要争番口气大炒对手，同国内人民一齐庆祝呢个大日子啦，让两粒都照捧2.35倍「让主」!(开赛时间：周日凌晨3:15)

　　巴西上仗对瑞士，唔单止侯克频频错失入球机会，最终仲因为丹尼尔一个乌龙球输波，颜面尽失，今场呢两个「输波罪人」一齐因伤缺阵，未必唔係好事嚟o架!预计会担正嘅柏图自从伤愈复出之后，今季巴甲已经帮哥连泰斯入咗7粒，暂时仲做埋球队首席神射手添，相信佢今场会搏到尽，争取重拾正选位置;仲有呀，今次喺正巴西国庆日踢呢场友赛，到时一众「森巴迷」肯定坐爆成个国家球场帮大军打气，主队唔大胜一场又点对得住班球迷先?

　　艾奇汤臣分化唔成(火罗)爆

　　澳洲早前喺东亚盃表现差强人意，虽然话唔齐脚啫，但连环输畀日本同中国之馀仲要劲失7球，就始终讲唔过去囉!前锋艾奇汤臣可能知道对巴西胜算好低，赛前居然出口术谂住分化对手，佢咁话：「尼马根本冇其他人讲到咁劲，我觉得奥斯卡杜斯山度士劲啲囉!」

　　尼马本人听完之后，只係问咗句「条友叫咩名话?」就同拍档奥斯卡一笑置之，汤臣嘅「战术」似乎唔多成功喎!澳洲今场仲有王牌前锋卡希尔缺阵，真係破蛋都唔使旨意呀!

　　Data King

　　‧巴西近7战获得6胜，每场胜仗都至少攻入2球。

　　‧巴西近8战开出6场入球大。

　　‧澳洲近8场开出5场大，5场赛事均至少出现4个入球。