世盃外非洲区A组今晚会进行最后一轮赛事，南非目前以2分落后榜首埃塞俄比亚，想出线的话，今日主场对博兹瓦纳唔赢唔得。虽然南非出线形势被动，但教头恩格辛迪讲明无论埃塞俄比亚半场领先3粒抑或落后3粒，今场都会丧攻90分钟，1.75倍「让球主胜」咪走宝。

　　(开赛时间：周六晚9:30)

　　博兹瓦纳作客6连败

　　当然，卡尔万唔係知道恩格辛迪咁讲就盲舂舂捧佢哋啦，从南非大军名单所见，除咗有门将古尼、后衞马斯利拿、中场舒巴拉拿及前锋班纳柏加组成嘅「凯萨酋长骨干」之外，仲徵召咗唐卡士打孖宝古马奴同富文等8名外流兵，经验、默契及质素瓣瓣有，最终出唔出到线就唔知，但係要炒起博兹瓦纳简直易如反掌。

　　至于博兹瓦纳家阵手执7分，如果埃塞俄比亚输波兼且自己砌低南非，佢哋都有机会出线，不过难度系数就爆晒灯。讲真，之前斗埃塞俄比亚，若非对方派出唔符合资格嘅球员落场被判输0:3，博兹瓦纳依家有冇7分咁多都成问题，更何况呢队波每逢作客都脚仔软，已经连输6场狂失13球，今晚仲要焗攻博晋级，防线随时大穿窿，听做炮灰啦!