日联盃4强首回合今晚连环爆发，头场川崎前锋喺主场对浦和红鑽，一于追1.57倍入球大。虽然川崎今季战绩唔算劲，但已经重现以往丧攻足球风格，加上射手大久保嘉人上星期被旁证屈佢越位食诈胡，有冤无路诉肯定会搵红鑽出气，入球大玩得过!

　　(开赛时间：周六下午5:00)

　　浦和红鑽劲失波

　　上星期川崎作客同大坂樱花踢成0:0，其实大久保嘉人入咗球波，只不过旁证睇错话佢越位食诈胡，搞到向来冷静嘅队长中村宪刚，当时都鬼杀咁嘈抗议，赛后川崎罕有咁以书面形式向日本联赛会抗议，认为误判令佢哋失咗2分，同埋影响大久保嘉人成为日职「得点王」(神射手)嘅机会。

　　无论点，川崎失分已成事实，与其谷住道气，不如搵人发洩好过。对家红鑽喺日职有机会争冠军，前两个月试过作客川崎淨吞4蛋，又曾经被包尾嘅大分三神攻入3球，今场想唔失波都难。不过咁，最近红鑽射手兴梠慎三已经翻生，唔再成为负累，有佢同大久保嘉人驳火，随时半场未完已经开到入球大!