上仗赢波后已稳夺巴甲半程冠军嘅高士路，声言会以夺得联赛冠军为目标，听朝凌晨主场迎战法林明高，绝对有能力利用全联赛最强火力轰散对手，一报喺巴西盃被淘汰之仇，一于捧2.2倍「让主」啦!(广东体育周一凌晨3:00直播)

　　法林明高攻不锐守不稳

　　高士路凭住18场入41球嘅超强火力，暂时同喺联赛榜次席嘅帕拉尼恩斯拉开4分差距，今场无论赢定输都肯定成为巴西半程冠军，不过后衞美基洛查就话唔心足，皆因全队目标係联赛冠军，今场当然要入多几粒啦!「一哥」咁好火，全靠弗爆嘅安捷斯、阿拉奥祖同埋卢卡斯施华等攻击手齐齐分担数胡重任，入球点够晒分散，对手想防都防唔到，而且教头马些路奥利华拉放胆起用老而弥坚嘅巴迪斯达，佢老人家连续两场联赛都有波入，今场肯定同班拍档夹手夹脚炒起法林明高，报番喺巴西盃8强畀对手踢出局嘅一箭之仇啦!

　　相反喺联赛榜位列中下游嘅法林明高近况并唔理想，近5场联赛只係赢过1次，当中3场食白果，如果唔係靠前锋靴兰尼单天保至尊，排名分分钟跌得仲低!最惨係锋线唔掂之馀，后防近7场巴甲只得1次可保清白身，攻守都唔掂，想唔畀人炒都难喇。